Fevral 18-inde, bazarertesi, sinoptikler, Qırımda ava suvuması ve şiddetli yel olacağını tahmin ete. Bu aqta yarımadanıñ gidrometmerkezi bildirdi.
Sinoptiklerniñ tahminlerine köre, Aqmescitte (Simferopol) deñişici bulultlılıq, yağanaqlarsız. Şimal-ğarbiy yel 7-12 m/s-ge qadar köterilip üfürecek. Ava arareti +4…+6° olacaq.
Bildirilgenine köre, Aqyarda (Sevastopol) da yağanaqlarsız, deñişici bulutlılıq. Yel 6-11 m/s. Ava arareti gece kündüz +7…+9°.
Qırımnıñ şimalinde yağanaqlarsız, deñişici bulutlılıq. Yel 7-12 m/s-ge qadar. Ava arareti kündüz +5…+7°.
Keriçte deñişici bulutlılıq, yağanaqlarsız ve şimal-şarqiy yel 9-14 m/s. Ava arareti gece kündüz +4...+6°.
Sinoptiklerniñ tahminlerine köre, fevral 19-ına gece yengil ayazlar olacaq.
