Aftanıñ soñuna Qırımda ava qızacaq, çarşenbe kününden başlap ise 20 derecege qadar köterilecek. Bu aqta yarımada Gidrometeomerkeziniñ başı Tatyana Lübetskaya bildirdi.
“Çarşenbe kününden başlap ava bayağı qızacaq, biz 15-20 derecede sıcaqnı tahmin etemiz, ayazlar ise biter”, - dep yaza sinoptikniñ sözlerinden “Krıminform” mediası.
Lübetskaya añlattı ki, “dagdaki qarlar, şiddetli yağmurlar, küçlü yel” Qırımda endi toqtadı.
Raatlıq ve bayram künleri sıcaq olacaq, dep ayta Gidrometeomerkeziniñ başı, kündüz - sıf,ırdan yuqarı 20-25 derece, gece - 5-10 derecede sıcaq.
“Ebet, eñ sıcaq Qırımnıñ merkeziy rayonlarında olacaq, Aqmescitte ve Aqyarda. Yalı boyu ise salqınca - deñiz daa suvuq, anda 18-20 derecede sıcaq. Amma ep bir sıcaq baar avası”, - dep ayttı Lübetskaya.
Daa evel Qırımda aprelniñ 23-ünde yengil ayazlar ve furtunalı yel aqqında bildirile edi.
