Fevral 20-sinde, çarşenbe künü, sinoptikler, Qırımda 15 m/s-ge qadar yel olacağını tahmin ete. Bu aqta yarımadanıñ gidrometmerkezi bildirdi.
Sinoptiklerniñ tahminlerine köre, Aqmescitte (Simferopol) yağanaqlarsız. Şimal-ğarbiy yel 7-12 m/s, kimerde 15 m/s-ge qadar köterilip üfürecek. Ava arareti gece -2…-4°, kündüz +8…+10° olacaq.
Bildirilgenine köre, Aqyarda (Sevastopol) da yağanaqlarsız. Yel 7-12 m/s. Ava arareti gece 0…+2°,kündüz +6…+8º.
Qırımnıñ şimalinde yağanaqlarsız. Yel 7-12 m/s-ge qadar. Ava arareti gece +1…+3°, kündüz +8…+10°.
Keriçte deñişici bulutlılıq, yağanaqlarsız ve şimal-şarqiy yel 6-11 m/s. Ava arareti gece -2…-4°, kündüz +6…+8°.
Daa evel Qırım yarımadasına ava suvuması, qar boranı ve şiddetli yel beklenilgeni aqqında haber etile edi.
