Salı künü, iyülniñ 2-sinde Qırımda kündüz 32 derecege qadar sıcaq olacaq, gece ise 16-ğa qadar tüşecek.
Keçken raatlıq künlerde kelgen ava suvunmasından soñ, Qırımda kene sıcaq olacaq. Bu aqta yarımadanıñ Gidrometeomerkezi bildirmekte.
Sinoptiklerniñ tahminlerine köre, Aqmescitte deñişici bulutlılıq. Yağanaqlarsız. Ğarbiy yel 7-12 m/s. Ava arareti gece 16…18º, kündüz 30…32º.
Aqyarda deñişici bulutlılıq, yağanaqlarsız, ğarbiy yel 5-10 m/s. Ava arareti gece 18…20°, kündüz 27…29°.
Qırımnıñ cenübiy yalısında deñişici bulutlılıq. Yağanaqlarsız. Ğarbiy yel 7-12 m/s. Ava arareti gece 21…23°, kündüz 29…31°.
Keriçte deñişici bulutlılıq, yağanaqlarsız. Cenüp-ğarbiy yel 6-11 m/s, kimerde yel şiddeti 14 m/s-ge qadar. Ava arareti gece 17…19°, kündüz 29…31°.
