Qırımda bazarertesi künü, iyün 24-ünde +33 derecege qadar sıcaq ava olacaq. Aman-aman bütün yarımadada furtunalı yağmur yağacaq. Qırımda alâ daa furtuna ihtarı ve yanğın telükesi bar. Bu aqta Qırım gidrometeomerkezi bildire.
Olarnıñ malümatına köre, Aqmescitte deñişici bulutlılıq. Qısqa yağmur yağacaq. Şimal-şarqiy yel 7-12 m/s. Ava arareti kündüz +29…+29°.
Aqyarda deñişici bulutlılıq. Cege ve kündüz qısqa yağmur ve furtuna. Şimal-ğarbiy yel 5-10 m/s. Ava arareti kündüz +28…+30°.
Qırım cenübinde deñişici bulutlılıq. Kimer yerlerde qısqa vaqıt yağmur yağacaq. Şimal-şarqiy yel 7-12 m/s. Ava arareti kündüz +30…+32°.
Keriçte deñişici bulutlılıq. Qısqa vaqıt yağmur, furtuna. Şimal-şarqiy yel 6-11 m/s. Ava arareti kündüz +28…+30°.
