Qırımda fevralniñ 1-isinde gece ve saba yağmurlar yağacaq, yalıñız Keriçte yağanaqlarsız olacaq. Kündüz ava arareti +11 derecede.
Bunı yarımadanınıñ gidrometeorologiya merkezi haber ete.
Qırım sinoptikleri bergen malümatqa köre, Aqmescitte (Simferopol) deñişici bulutlılıq beklenile. Bazı yerlerde küçük yağmurlar. Cenüp-ğarbiy yel 7-12 m/s. Ava arareti kündüz +7…+9° derecede olacaq.
Aqyarda (Sevastopol) deñişici bulutlılıq. Gece ve saba yağmur, kündüz yağanaqlarsız. Şimal-şarqiy yel 7-12 m/s. Ava arareti kündüz +8…+10° derecede olacaq.
Qırımnıñ cenübiy yalısında deñişici bulutlılıq. Bazı yerlerde yağmur yağacaq. Şimal-şarqiy yel 7-12 m/s. Ava arareti kündüz +9…+11° derecede olacaq.
Keriçte deñişici bulutlılıq, yağanaqlarsız. Şimal-şarqiy yel 6-11 m/s. Ava arareti kündüz 6…+8° derecede olacaq.
