Qırımda oktâbr 5-inde, cumaertesi künü yağmur, boran ve küçlü yelni tahmin eteler. Bunı Qırım gidrometeomerkezi bildire.
Sinoptiklerniñ tahminlerine köre, Qırımda fevqulâde yanğın telükesi daa qala. Gece cenüp-ğarbiy yel saniyede 10-15 metr, kündüz saniyede 20-25 metr olacaq. Ava arareti gece 11…16º, kündüz 22…27º olacaq.
Aqmescitte deñişici bulutlılıq, gece yağanaqlarsız, kündüz ara-sıra yağmur, boran. Cenübiy yel kündüz 10-15 m/s. Ava arareti kündüz 25…27º.
Aqyarda deñişici bulutlılıq,yağmur. Cenüp-ğarbiy yel 7-12 m/s. Ava arareti kündüz 17…19º.
Qırımnıñ cenübiy yalısında deñişici bulutlılıq, yağanaqlarsız. Cenüp-ğarbiy yel 7-12 m/s, bazı yerlerde 15 m/s qadar. Ava arareti kündüz 22…24º.
Keriçte deñişici bulutlılıq. Saba bazı yerlerde küçük yağmur, duman. Şimal-ğarbiy yel 6-11 m/s. Ava arareti kündüz 20…22º.
Qara deñizniñ suv arareti 18-21 derecede, Azaq deñizi ve Keriç boğazınıñ 18 derecede.
