Qırımda çarşenbe künü, iyül 24-ünde bazı yerlerde küçlü yağmur, iri burçaq, 20-25 m/s qadar küçlü yel olacaq. Bu aqta yarımadanıñ Gidrometeomerkezi bildire.
Sinoptiklerniñ tahminlerine köre, Aqmescitte kündüz aralıqlı yagmur yagacaq. Şimal-ğarbiy yel 8-12 m/s, bazıda 15 m/s. Ava arareti gece 16…18º, kündüz 26…28º.
Aqyarda şimaliy yel 6-11 m/s. Ava arareti gece 16…18°, kündüz 24…28°.
Qırımnıñ cenübiy yalısında bulutlı ava. Aralıqlı yagmurlar, kimerde şiddetli sağanaqlar, furtuna, iri burçaq, 20-25 m/s küçlü yel. Şimal-ğarbiy yel 8-13 m/s, bazıda 15 m/s qadar üfürecek. Ava arareti gece 19…21°; kündüz 27…29°.
Keriçte kündüz yağmur, furtuna. Gece şimaliy yel 3-8 m/s, kündüz şimal-ğarbiy 6-11 m/s. Ava arareti gece 17…19°; kündüz 27…29°.
