Sinoptikler, Qırımda dekabrniñ 12-sinde denişici bulutlılıqnı ve yağanaqlarsız avanı tahmin ete.
Bunı yarımadanıñ Gidrometeomerkezi bildire.
Sinoptiklerniñ tahminlerine köre, Aqmescitte yağanaqlarsız ava beklenile. Gece ve saba bazı yerlerde duman ve klegey buz olacaq. Şarqiy yel 7-12 m/s. Ava arareti kündüz 8…10º.
Aqyarda yağanaqlar beklenilmey. Şarqiy yel 5-10 m/s. Ava arareti kündüz 10…12º.
Qırımnıñ cenübiy yalısında yağanaqlarsız. Şimal-şarqiy yel 7-12 m/s. Ava arareti kündüz 9…11º.
Keriçte yağanaqlarsız, gece ve saba bazı yerlerde duman. Şimaliy yel 12-15 m/s. Ava arareti kündüz 4…6º.
