Cumaertesi künü, iyülniñ 18-nde, Qırımda 30 derecege yaqın sıcaq olması beklenile, Qırımda yağmurlar yağacaq. Bu aqta yerli Gidromettsentr matbuat hızmeti bildire.
Aqmescitte ara-sıra bulutlı ava olacaq. Yağanaqlar çoq yağmaycaq. Şimaliy-şarqiy yel süratı saniyede 7-12 metr olacaq, kündüz bazı yerlerde saniyede 15 metr olacaq. Ava arareti gece 16…18°; kündüz 28…30° olacaq.
Aqyarda az bulutlı ava olacaq. şimaliy-şarqiy yel süratı saniyede 5-10 metr olacaq. Gece ava arareti 16…18°; kündüz 26…28°.
Qırımnıñ yalı boyunda az bulutlı ava olacaq. Yağanaqlar yağmaycaq. Şimaliy-şarqiy yel süratı saniyede 7-12 metr olacaq. Gece ava arareti 21…23°; kündüz 27…29°.
Keriçte de ara-sıra bulutlı ava olacaq. Saba ve kündüz biraz yağmur yağacaq. Şimaliy, şimaliy-şarqiy yel süratı 6-11 metr, kündüz bazı yerlerde saniyede 14 metr olacaq. Ava arareti gece 19…21°; kündüz 26…28° olacaq.
