Qırımda aprelniñ 2-sinde kündüz 12 derecege qadar sıcaq beklenile, Qırımnıñ şimalinde küçük yağmur yağacaq. Bu aqta yarımada gidromettsentri bildire.
Sinoptiklerniñ haber etkenine köre, Aqmescitte (Simferopol) deñişici bulutlılıq, yaganaqlarsız. Ava arareti gece +1…+3°, kündüz +9…+11°.
Aqyarda (Sevastopol) deñişici bulutlılıq, yağanaqlarsız. Yel 6-11 m/s. Ava arareti gece +4…+6, kündüz +10…+12° derecede.
Qırımnıñ şimalinde deñişici bulutlılıq. Gece yağanaqlarsız, kündüz bazı yerlerde küçük yağmur. Yel 7-12 m/s. Ava arareti gece +6…+8°, kündüz +10…+12° derecege qadar.
Keriçte yağanaqlarsız. Şimaliy yel 6-11 m/s. Ava arareti gece +3…+5°, kündüz +10…+12°.
Qırımda aprel 1-inden yüksek yanğın telükesi rejimi ilân etildi.
