Link açıqlığı

Saatnıñ esas haberi

Qırım.Aqiqat ve UA:Perşıy «Qırım: Rusiye işğaline qarşı tirenüvniñ 5 yılı» marafonını keçireler


Salı künü, fevralniñ 26-nda, «Qırımnıñ Rusiye işğaline qarşı tirenüv kününde» Qırım.Aqiqat UA:Perşıy ile beraber «Qırım: Rusiye işğaline qarşı tirenüvniñ 5 yılı» marafonını keçire.

Marafon vaqtında 2014 senesi fevralniñ 26-nda Aqmescitteki Qırım Yuqarı Şurasınıñ binası ögünde keçirilgen mitingni, Rusiyeniñ yarımada işğaliniñ başlanğıçını, Qırımda insan aqlarınıñ bozuluvını, qırımtatar muhtariyeti meselesini muzakere etecekler.

Alıp barıcılar: Katerina Nekreçaya, Osman Paşayev, Andrey Kulikov, Anastasiya İsayenkova.

Ukrainada fevralniñ 26-nı «Qırımnıñ Rusiye işğaline qarşı tirenüv künü» olaraq ilân etmege teklif eteler. 2014 senesi şu künü Qırım Muhtar Cumhuriyetiniñ Yuqarı Şurası ögünde Ukraina topraq bütünligine qoltutuv mitingi olıp keçken edi. Miting iştirakçilerine qarşı Rusiye tarafdarları, hususan «Rus birligi» firqası çıqtı.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG