Link açıqlığı

Saatnıñ esas haberi

Qırım.Aqiqat Ukraina kütleviy haber vastaları içün Qırım haberleriniñ esas menbası olıp qala – monitoring


Ukraina kütleviy haber vastaları ilhaq etilgen Qırım haberlerini çoqusı allarda Qırım.Aqiqat saytından ala. Bunı Kütleviy haber institutı derc etken «Ukraina kütleviy haber vastaları Qırım aqqında nasıl yaza» monitoringiniñ neticeleri köstere.

Ukraina kütleviy haber vastaları Qırım aqqında malümat derc etip, 18%-ında Qırım.Aqiqatqa esaslanğan edi. Rusiye kütleviy haber vastalarından alınğan haberler ise 15%-nı teşkil etti.

Qırım aqqında haber bergen menbalar içtimaiy ağlar, cemaat ve göñülli teşkilâtları ola.

«Er altıncı haberde haber menbası içtimaiy ağlar ola edi (16,5%): Facebook saifeleri, Twitter ve Telegram kanallarınıñ haberleri. İçtimaiy ağlardan pek faal begenilmegen haberler de bar edi (yani ilk menbanı tapmaq mümkün degil edi). Cemaat teşkilâtları, göñülli toplulıqlar da ilk menba olğan edi, olar malümatnıñ 16,5%-ını bergen edi», – dep aytıla tedqiqatta.

Eñ az Ukraina devlet organları haber berdi – 1,5%, Rusiye devlet organları ise ilk menba olaraq 3,8% haber berdi, Qırımdaki Rusiye organlarınıñ matbuat vastaları ise – 2,3%.

20 populâr ukrain online kütleviy haber vastasında çıqqan haberlerniñ tek yarım fayızı Qırımnen bağlı edi.

Qırım.Aqiqat Azatlıq Radiosı ukrain bürosınıñ Qırım leyhasıdır – 2014 senesi mart ayında, işğalden soñ ve Rusiyeniñ Qırım ilhaqı vaqtında, çalışıp başladı.

Azatlıq Radiosınıñ Qırım taqımı üç tilde haber saytını yapa: rusça, ukraince ve qırımtatarca, aftada eki kere «24» haber telekanalında ve «Nastoyaşçeye vremâ» halqara telekanalında «Qırım.Aqiqat» televizion programmalarını azırlay.

2015 senesi sentâbr ayında Qırım taqımı Ukraina radiosınen beraber Qırım.Aqiqat Radiosını açtı. O, Qırımnıñ büyük qısmında, Ukrainanıñ cenübi-şarqında ve Rusiyeniñ Şimaliy Kavkaznıñ dağ rayonlarında yayınlana, 2017 senesi sentâbr ayından başlap ise Qırım.Aqiqat Radiosınıñ kanalı gece-kündüz 105,9 FM dalğasında çalışa.

XS
SM
MD
LG