Qırım.Aqiqat Radiosı, cumaertesi künü, sentâbr 21-inde birinci yayınından keçken 4 yılnıqayd ete. Bütün bu vaqıt devamında Kyiv studiyasından alıp barıcılar, ilhaq etilgen yarımadanıñ sakinlerine Qırımda ve onıñ tışında olğan müim vaqialar aqqında haber ete edi.
"Siz "Qırım.Aqiqat" yayınını diñleysiñiz - bu Azatlıq Radiosı ve birinci Ukrain radiosınıñ beraberlikte yapılğan leyhası" - bu sözler doğru 4 yıl evel canlı yayında ilk sefe yañğıradı. Ondan berli qırımlılar, iş künlerinde er saba ve aqşam olarnı eşite.
Bazareetesinden cuma kününece saat 8:00-de efirde "Sabalar hayır, Qırım!" saba tok-şousı seslene, aqşam saat 18:30-da ise "Qırım aqşamı" yayını. Er cumaertesi üç yayın çıqa: "Oleksandr Yankovskiynen Qırim aftası", "Musafir vaqtı", "Krımskiy.Parmezan".
Qırım.Aqiqat Radiosınıñ jurnalistleri, qırımlılarğa yerli matbuattan bilinmeycek malümatnı yetkize: tsenzurasız haberler, mesuliyetli fikir paylaşuvı, meselelerniñaçıq muzakeresi.
Qırım.Aqiqatnıñ rus tilli saytı 2014 senesi martnıñ 25-nde, ukrain tilli ve qırımtatar tilli saytları ise aprel ayınıñ başında çalışıp başladı.
Radio Free Europe/Radio Liberty akimiyet tarafından matbuat serbestligi sıñırlanğan ya da şimdilik cemaat yaşayışınıñ norma seviyesine kelmegen memleketlerniñ sakinlerine muracaat etip, demokratik qıymet ve institutlarnı ileriletmege istey. Radio Svoboda jurnalistleri yerli kütleviy haber vastalarında olmağan malümatnı bere: tsenzurasız haber, mesüliyetli fikir, meselelerniñ açıq muzakere etilmesi.
Beş yıl içinde Azatlıq Radiosınıñ ukrain hızmetiniñ Qırım leyhasınıñ saytlarını 115 million oquyıcı ziyaret etti. Bizim esaplarımızğa köre, olardan dörtte biri qırımlı ola. Oquyıcılar 200 million saifeden ziyadesini baqtı. 2014 senesi noyabr ayında açılğan Qırım.Aqiqatnıñ YouTube kanalına 65 biñ insan abune oldı, 58 million kere video baqıldı ve baqılğan videolarnıñ aman-aman 250 million daqqası bar.
2014 senesi iyün ayından başlap Qırım taqımı er afta çıqqan eki unikal televizion programmasını azırlay – umummilliy ve regional telekanallar içün «Qırım.Aqiqat» ve halqara uyduda «Nastoyaşçeye vremâ» telekanalında ve Şarqiy Avropa ve Merkeziy Asiyanıñ 25 memleketten ziyadesinde uydu ağlarında çıqqan «Qırım.Aqiqat».
2015 senesi sentâbr ayında Qırım taqımı Qırım.Aqiqat Radiosını açtı. O, Qırımnıñ büyük qısmı, Ukrainanıñ cenübi-şarqına ve Rusiyeniñ Şimaliy Kavkaz dağ aldı rayonlarına 549 AM orta dalğalarında yayın yapa, 2017 senesi sentâbr ayından başlap ise Qırım.Aqiqat Radiosınıñ kanalı 105,9 FM dalğasında gece kündüz çalışa, onı Qırımnıñ şimali-şarqında diñlemek mümkün.
Qırım.Aqiqat büyük içtimaiy ağlarda da mevcut. Twitterdeki abunecilerimiz birinciler sırasında haber ala. Instagramda ise saytta tapıp olamaycaq fotoresimlerimizni paylaşamız, Facebookta ise eñ meraqlı munaqaşalar ola. «Vkontakte» ve «Odnoklassniki» saifelerimizge de kiriñiz. Eñ müim haberlerni Telegramda da er kün ala bilesiñiz.
2016 senesi Rusiye akimiyeti saytnı Qırımda blok etmege tırışıp başlamazdan evel Medialogiya Rusiye tedqiqat teşkilâtı Qırım.Aqiqatnı üç yıl devamında eñ çoq alıntı ketirilgen Qırımnıñ internet neşirleri sırasına kirsetken edi.
