Bazarertesi künü, sentâbr 23-ünde, Qırım.Aqiqat muarririyeti, Rusiye esirliginden azat etilgen ukrain rejissör Oleğ Sentsovnı musafirlikke bekley.
O, yarımadada yayınlanğan Qırım.Aqiqat Radiosınıñ canlı yayınında iştirak etecek. Bundan ğayrı, muarririyet, rejissörnen büyük tele intervyü yazıp qoyacaq.
Qırım sakinleriniñ, Qırım.Aqiqat Facebook saifesinde tefsir yazıp, Sentsovğa öz suallerini bermege imkânları bar.
Sentâbrniñ 7-nde Ukraina ve Rusiye arasında tutulğanlarnı deñişim kerçekleştirildi. 35 ukrainalı ile uçaq «Borıspil» Kyiv ava limanında qondı.
Oleğ Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.
