Apis cezasına mahküm etilgen Qırım.Aqiqat frilanseri Vladislav Yesipenko PEN America gala kögtsertinde berilecek PEN/Barbey Freedom to Write mukâfatınıñ laureatı oldı. Bunıñ aqqında teşkilâtçılarnıñ resmiy saytında haber etile.
"Vladislav Yesipenkonı 2022 PEN/Barbey Freedom to Write Award mukâfatı ile taqdirlep PEN America onıñ Rusiye işğali yıllarında sağ qalğan ukrayinlerniñ ikâyelerini aytıp bermege devam etmekte cesaretini tanıy ve biz Rusiyeniñ Ukrayinağa tecavuzınıñ jurnalistler, yazıcılar ve söz serbestligi içün yaratqan telükelerni aydınlata", - dep yazıla bildirmede.
PEN/Barbara Goldsmith Freedom to Write mukâfatı 1987 senesi tesis etildi ve öz işi içün apis etilgen yazıcılar ve ressamlarğa berile.
Rusiyeniñ nezaretinde olğan Aqmescit rayon mahkemesi Qırım.Aqiqat frilanseri (Azatlıq Raziosınıñ leyhası) Vladislav Yesipenkoğa üküm çıqardı. Rusiyeli mahkemeci Dlâver Berberov jurnalistni 6 yıl sert apis cezasına ve 110 biñ para cezasına mahküm etti. Evel qabaatlav tarafı Yesipenko içün 11 yıl apis cezasını istegen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
