Link açıqlığı

Saatnıñ esas haberi

Qırım aliy oquv yurtuna Ukraina Qaramanınıñ adı berildi


Fevzi Yakubov
Fevzi Yakubov

Qırımnıñ Rusiye yolbaşçısı Sergey Aksenov Qırım müendisilik ve pedagogika universitetine onıñ temelcisi, Ukraina Qaramanı Fevzi Yakubovnıñ adını berüv buyruğını imzaladı. Bu aqta «RİA Novosti Krım» vesiqağa esaslanıp bildire.

Aliy oquv yurtuna Fevzi Yakubovnıñ adını bermek teklifi Rusiye tarafdarı olğan «Qırım» cemaat areketiniñ prezidium azalarından keldi.

Fevzi Yakubov cuma künü, avgustnıñ 23-nde, 82 yaşında devamlı hastalıqtan soñ vefat etti. Bazar künü, avgustnıñ 25-nde, Qırım müendislik ve pedagogika universitetiniñ hollında vedalaşuv merasimi olıp keçti.

Yakubov – tehnik ilimleri doktorı, professor, Özbekistanda nam qazanğan ilim erbabı, Ukrainada nam qazanğan tasil hadimi, Qırımnıñ nam qazanğan vatandaşı, Ukraina Qaramanıdır.

Rusiyeniñ Qırım işğalinden soñ Yakubov Rusiye prezidenti Vladimir Putinniñ işançlı şahsı oldı.

XS
SM
MD
LG