2019 senesiniñ birinci yarımyılında, devlet mülkiyetinde olğan mülkniñ kirağa berilmesinden ilhaq etilgen Qırımnıñ büdjetine 198,5 million ruble (76 million ğrıvnâ - QA) kelir keldi. Bunı rusiyeli Qırım Mülkiyet Nazirliginiñ matbuat hızmeti bildirmekte.
Onıñ malümatına köre, bu para, plan köstergiçlerinden 22 million rublege aşa.
"Mülk kirağa berilmesinden, 2019 senesiniñ birinci yarımyılında, Qırımnıñ büdjeti 198,5 million ruble ile toldurıldı. Bu aqça, plan köstergiçlerinden 22 million rublege aşa ve aytılğan müddetniñ planından 112,44% çoqça ola", -denile beyanatta.
Baarde Aqyarnıñ rusiyeli akimiyeti, devlet mülkiyetiniñ kiracılarınıñ umumiy borcu 2 milliarddan çoqtır, ve mahkemelerde 552 dava açıldı, dep bildire ediler.
Rusiye tarafından Qırım ve Aqyarnıñ ilhaqından soñ, yarımadada rusiye müessiseleriniñ ihtiyacları ya da "Tavrida" trassası kibi büyük leyhalar içün "milliyleştirüv" manaçığınen kiracılardan sıq-sıq topraq ve mülkni tutıp alıp başladılar.
