Link açıqlığı

Saatnıñ esas haberi

Qırım akimiyeti, yarımada 2019 senesine suvnen temin etilgenini bildire


Aqmescit suv anbarı, 2019 senesi, yanvar 3
Aqmescit suv anbarı, 2019 senesi, yanvar 3

Suv hocalığı ve melioratsiya devlet komitetiniñ rusiyeli başı İgor Vayl, yarımada 2019 senesine tolusınen suvnen temin etilgenini iddia ete. Bu aqta Qırım devlet suv hocalığınıñ matbuat hızmeti bildirmekte.

“Bugünge suv anbarları 167 million metr kub köleminde suvnen toldurılğan, bundan ğayrı, yerastı çoqraqlardan er kün 146 biñ metr kub suv çıqa, böyleliknen, Qırım 2019 suv ile temin etileceginiñ kefaleti bar. Köy-qasabalarğa suv berilüv meselesi çıqmacaq, 2018 senesinde de o yoq edi, 2019 senesine ise kerekli suv yedegi bar”, - dep Vayl sözlerinden komitetniñ matbuat hızmeti bildire.

Onıñ aytqanına köre, Qırım suv anbarları 70%-dan çoq toldurılğan.

“Bugünge suv anbarları 72%-ğa qadar toldurılğan. Keçken yılğa köre, bu - 20 million metr kubğa azca. Qar sıfatında şimdilik 80 million metr kub suv bar, onıñ irigeninden soñ 40 million metr kubğa qadar toplamaq mümkün”, - dep qoştı Vayl.

Qırım Rusiye tarafından ilhaq etilgen soñ Ukraina, Dneprniñ baş yatağını yarımadanen bağlağan Şimaliy Qırım kanalı boyunca yarımadağa suv bermekni toqtattı. Ukraina bu kanal vastasınen Qırımnıñ tatlı suvda ihtiyaclarınıñ 85%-ini temin ete edi.

XS
SM
MD
LG