Link açıqlığı

Qırımnıñ öz başına tayin etilgen baş naziri Sergey Aksönov Rusiye baş naziri Dmitriy Medvedevge bergen malümatlarğa köre, turistler Ukrainadan sebep Qırımğa kelip olamay, dep yaza Segodnâ gazetası.

«Bugünde-bugün logistika ve yarımadağa turistler ketirilmesinen bağlı meseleler çezilmedi. Raatlanğanlarnıñ 80% qullanğan demir yolu bunıñnen temin etip olamay, çünki Ukraina tarafı bizlerge böyle imkân bermey. Böyle etip, sutkada 16-20 biñ yolcunı ketire bilemiz, lâkin eñ azından eki qat ziyade olmaq kerek», – dep ayttı Aksönov.

Bunıñnen beraber, onıñ bildirgenine köre, yarımadanıñ bütün raatlıq noqtaları turistlerni qabul etmege daa azır degil. Ukraina devlet şifahaneleri aqqında söz yürsetile.
O, Medvedevge «Gazprom» ve «Rosneft» büyük Rusiye müessiseler hadimlerini Qırımğa raatlanuvğa yollamağa teklif etti.

Medvedev mayıs 25-de Qırımğa keldi. Ukraina tış işler Nazirligi bu ziyaretni provokatsiya dep adladı.
XS
SM
MD
LG