Qırımnıñ Rusiye akimiyeti yarımada 2019 senesine tatlı suvnen bütünley temin etilgen, dep işandıra. Bu aqta fevralniñ 4-nde Kreml kontrolindeki Qırımnıñ suv hocalığı ve melioratsiya komitetiniñ yolbaşçısı İgor Vayl jurnalistlerge ayttı.
«Şunı eminliknen aytmaq mümkün, Qırımda suv 2019 senesine yeter. Bugünki künde turistler ne qadar olsa da bir de bir telüke yoq», – dep tekrarlay Vaylniñ aytqanını TASS Rusiye haber agentligi.
Onıñ aytqanına köre, beklenilgen baar-küz suv artuvı mevsimi 2020 senesi toplanacaq qoşma suv kirişini berecek.
Vaylniñ qayd etkenine köre, 2018 senesi bütün meskün yerler suvnen temin etilgen edi, bozuvlar olmadı.
Qırımda tatlı suv vaziyeti aqqında tafsilâtlar – «Qırım.Aqiqat» teleleyhasınıñ levhasında seyir etiñiz.
2018 senesi iyün ayında Qırımda yarımadada qurğaqlıqtan sebep fevqulâde vaziyet rejimi ilân etildi.
Qırımnıñ Rusiye Köy hocalığı nazirligi matbuat hızmetiniñ malümatına köre, yarımadadaki qurğaqlıq zararı 237 mln ruble ola, agrariylerniñ qazanmağan kârları 4 mlrd rubleden ziyade olacaq.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
Rusiyeniñ Qırım işğalinden soñ 2014 senesi yarımadada suv taşımaları toqtatıldı.
