Link açıqlığı

Aqmescitte keçirilgen brifingde Qırımnıñ öz başına ilân etilgen baş naziri Sergey Aksönov bildirdi ki, deñizden 100-200 metr mesafede yerleşken qanuniy binalar qalacaq.

«Ukraina qanunları boyunca ruhset vesiqalarını alğanlar saip olaraq qalacaqlar. Olarğa iç bir iddiamız yoq», – dedi Aksönov.

O, hatırlattı ki, eñ yaqın vaqıtta Qırım «halq imayesiniñ» taqımları yalılarnı qanunsız alda qurulğan bina ve qoralardan boşatacaqlar.

«İnşaatlar mahkeme qararı esasında bozulacaq. Cemaat yalılarına kirecek olğan adamlar ögünde iç bir mania olmaycaq, söz berem», – dep ayttı Aksönov.

Qora ve qanunsız inşaatlar bozuluvı mayıs 20-de başlanacaq. Bu iş 20 kün devamında yekünlenecek.

«Nazirler şurasınıñ» malümatına köre, bozulacaq binalarnıñ saiplerine tazminat ödenilmeycek.
XS
SM
MD
LG