İyünniñ 6-nda 498 "Saturn" ya da "Protey" leyhasınıñ Rusiye reyd çekici gemisine darbe endirildi.
"Panskoye gölü akvatoriyasında keçirilgen operatsiya neticesinde Rusiye işğalcileriniñ nevbetteki gemisi yoq etildi", — dep haber ete GUR.
Anda, darbe "Qara deñizde mudafaa sıñırlarınıñ muvafaqiyetli bozuluvından" soñ yapıldı, dep qoştılar.
Rusiye, çeküv gemisiniñ ğayıp oluvı aqqında resmiy izaat bermedi. Faal arbiy areketler şaraitlerinde Ukrayina ve Rusiye akimiyetiniñ beyanatları mustaqil tasdıqlanmaq qıyın.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
