Qırımnıñ medeniy mirasını qoruv Rusiye Devlet komitetiniñ reis muavini Vâçeslav Zarubin yarımadadaki medeniy mirasnıñ eñ problemli obyektlerini aytıp berdi.
«Birincisi – Tavel (Krasnolesye) köyündeki grafinâ Monjeneniñ evi. Komitet onıñnen oğraşa. Onı satın alıp, qullanmağa ve ğayrıdan tiklemege teklif etemiz. Ekincisi – Saq rayonındaki Çobatar (Çebotarka) köyünde Şleye adınen bağlı çiftlik. Köz ögünde yıqıla», – dep bildire Zarubinniñ aytqanlarını «Krıminform» haber agentligi.
Zarubinniñ aytqanına köre, Aqmescitte Arendtniñ evi aynı vaziyette buluna. Kezlevde de bunıñ kibi bir sıra obyekt bar.
Onıñ bildirgenine köre, umumen Qırımda medeniy mirasnıñ 4,5 biñden ziyade obyekti mevcut.
