Rusiye nezaretindeki Qırım maliye naziri İrina Kiviko, yarımadada bina ve topraqnı kirağa alğan şirketler içün kira ödevini iyünniñ soñuna qadar uzatqanlarını bildirdi.
Bunı nazirlikniñ matbuat hızmeti yaza.
"2020 senesi aprelniñ 1-inden iyünniñ 30-ınace devlet mülkiyetinde olğan bina ve topraqlarnı kiralağan müessiseler içün kira tölevleri toqtatıla. Belediye ve şahsiy mülkiyetinde olğan mülk ve topraqlarnıñ kiracılar içün aynı şartlar olması içün muzakereler keçirile", - bildirdi Kiviko.
Qırımda özüni izolâtsiya etüv rejimi aprelniñ 30-na qadar, Aqyarda ise aprelniñ 12-ne qadar uzatıldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
