Qırımnıñ rusiyeli akimiyeti bir aftadan Frenkistandan Qırımğa kislorod kontsentratorı kelecegini bildirdi. Bunı aprelniñ 24-ünde COVid-19 ştabınıñ oturışında Yelena Romanovskaya bildirdi.
"Aqmescitniñ №7 şeer hastahanesi içün Frenkistandan kelgen kislorod kontsentratorı sıñırnı keçkeni belli oldı. Böylece hastahanede daa 180 kislorod noqtası olacaq. Bir aftadan son onı alıp yerleştirecekmiz", - dedi o.
Qırımda tasdıqlanğan 53 COVID-19 hastası bar. Aqyarda 25 koronavirus hastası qayd etildi. Qırımda ve Aqyarda özüni izolâtsiya etüv rejimi aprelniñ 30-na qadar uzatıldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
