Rusiye kontrolindeki Qırım akimiyeti, 2020 senesi Rusiye akimiyeti teşkil etken acılıqqa kvotalar arttı, dep bildirdi.
Qırımnıñ milletlerara munasebetler ve sürgün etilgen vatandaşlarnıñ meseleleri devlet komitetiniñ Rusiye yolbaşçısı Albert Kangiyevniñ malümatına köre, biñ acı bu yıl acılıqqa işğal etilgen Qırımdan baracaq.
«2020 senesi Qırım ve Aqyar şeeri musulmanları diniy idaresi «AVN-Tur» Qırım acılıq operatorınen beraber 1 biñ insandan ibaret acılar gruppasını Qırımdan teşkil etmege planlaştıra. Bugünki künde Qırım acılıq operatorı Aqmescitten Acılıq-2020 doğru uçuşlarını teşkil etüv meselesinde çalışa», – dep bildire Kangiyevniñ aytqanlarını «TASS» Rusiye agentligi.
2019 senesi Qırım acılarınıñ acılıq kvotası 50%-ğa (300 insan) toldurıldı.
2014 senesi Rusiye Qırımnı işğal etken soñ Qırım musulmanları diniy idaresi yapqan areketlerini Qırımtatar Milliy Meclisi ile muzakere etmeyip, Rusiye qanunlarına köre Qırım ve Aqyar musulmanları diniy idaresi olaraq yañıdan qayd etilgen edi.
2016 senesi noyabr ayında Qırımdan köçip kelgen musulman cemiyetleri toplaşıp, esas Ukrainada Qırım Muhtar Cumhuriyeti musulmanlarınıñ diniy idaresini qurmağa qarar aldı. Müfti olaraq Ayder Rustemov saylandı.
2017 senesi oktâbr ayında Ukraina medeniyet nazirliginiñ millet ve din departamenti Rustemov yolbaşçılığında Qırım Muhtar Cumhuriyeti musulmanlarınıñ diniy idaresini qayd etti.
