İlhaq etilgen Qırımnıñ rusiyeli akimiyeti, 2020 senesi mayısnıñ 1-inece yol areketini optimizatsiya etmege söz berdi, böyleliknen, yaz mevsiminde yol tıqanıqlıqları olmamalı. Bunı Kreml kontrolindeki Qırımnıñ başı Sergey Aksönov bildirdi.
"Şeerlerde yol tıqanıqlıqları meselesini çezmek içün, tehnikiy allerni teklif etmek kerek. Eñ büyük tıqanıqlıqlar meselesi Yaltadadır. Kurort mevsimine qadar tehnikiy allerni uydurmasaq, şeerge kirmek içün üç saattan çoq vaqıt kerek olacaq. Böyle şey aslı olmamalı. Aynısı Saqta - yerler pek tar, Aqmescitte de yol areketi sheması deñiştirmeli. Mayısnıñ 1-ine qadar bu şeerlerde tedbirler kerçekleştirilmeli", - dedi Aksönov.
Onıñ aytqanına köre, noyabr 29-ına qadar teşkil etilecek iş gruppası, kerekli tedbirlerni işlep çıqarmalı.
