İşğal etilgen Qırımnıñ bücet masrafları 40% arttı, neticede 140 milliard ruble oldı.
Bunı «Qırım Cumhuriyetiniñ maliye naziri» Vladimir Levandovskiy bildirdi. Masraflarnıñ artuvı, memurnıñ aytqanı kibi, içtimaiy ödevlerniñ arttırılması ile bağlı, dep bildire «KİA» neşiri.
«Masraflar ep artacaq. Bundan da ğayrı, bücet müessiselerniñ teminlev masrafları da arttı», – dedi Levandovskiy.
Bunıñ ile yarımadanıñ bücet keliri ile vaziyetni nazir «qıyın» olaraq belgiledi, çünki «akimiyette» eali ve iş adamlarından berginiñ aluvı ile büyük uquqiy problemler bar eken.
Levandovskiy emindir ki, «insanlar para tölemege istey, «akimiyet» ise olarğa bu imkânnı bermek kerek».
