Rusiye Qırımnıñ işğalden boşatuvı aqqında muzakerelerge razı olacaqmı? Qırımda qırımtatar halqınıñ sürgünligi qurbanlarını nasıl añdılar? Kremlge Qırım meselesi ile video konferentsiyası nege kerek oldı? Ukraina Rusiye arheologlarını ne içün cezaladı? Qırım.Aqiqat Radiosı bu afta yarımadanıñ haber alanındaki bir qaç rezonans doğurğan meselege diqqat ayırdı.
Prezident Zelenskıynıñ birinci yılı
2019 yılda mayıs 20-sinde Volodımır Zelenskıy Ukraina prezidenti vazifesine tayinlendi. Bu yıl devamında öz çıqışlarında o defalarca qayd etti: Qırım - bu Ukrainadır. Amma Rusiye prezidenti ile Parijde "Normandiya formatı"nda körüşkende bu mesele muzakere etilmedi. Bu afta Volodımır Zelenskıy, koronavirus sebebinden toqtatılğan Rusiye ile aytışmalar yaqın vaqıtta devam etecegine ümütini bildirip, Ukraina öz topraqlarını qaytarmağa tırışacağını qoştı. Daa evel Ukrainanıñ vaqtınca işğal etilgen topraqlarınıñ reintegratsiyası Nazirliginde, Kyiv Qırımnıñ işğalden boşatıluvı içün ayrı meydançıqnı yaratmağa istegenini bildirdiler.
Qırım.Aqiqat ekspertler Volodımır Zelenskıynıñ Qırım yöñelişinde işine ne qıymet keskenini ve Rusiye Qırımnıñ işğalden boşatuvı aqqında muzakerelerge razı olurmı dep soradı. Daa evel Kreml bu meseleniñ muzakere etilme ihtimalını red ete edi.
Qırımda sürgünlik qurbanlarınıñ añma künü
Mayısnıñ 18-i Ukrainada qırımtatar halqınıñ genotsidi qurbanlarınıñ añma künüdir. 1944 seneniñ mayıs ayında sover reberliginiñ emri ile bütün qırımtatarlar Qırımdan bir qaç künniñ içinde SSSR uzaq bölgelerine sürgün etildi. 2015 yılda Ukraina Yuqarı Radası sürgünlikni qırımtatar halqınıñ genotsidi olaraq tanıdı, Ukraina prokuraturası ise şimdi o devirniñ vaqialarını tahqiq ete.
Rusiye nezaretindeki memurlar, o zaman yalıñız yarımadanıñ tamır halqı degil de, amma başqa millet vekilleri , hususan, yunanlar, ermeniler ve bolgarlar da horluqqa oğradı dep israr ete
Yarımadanıñ özünde ise 2014-ünci yıldan soñ mayıs 18-ini Qırımda sürgünlik künü kibi qayd eteler ve qırımtatar halqınıñ faciasına bu tarihnı doğrudan bağlamaylar. Rusiye nezaretindeki memurlar, o zaman yalıñız yarımadanıñ tamır halqı degil de, amma başqa millet vekilleri , hususan, yunanlar, ermeniler ve bolgarlar da horluqqa oğradı dep israr ete. Qırım.Aqiqat, bu yıl yarımadada qırımtatar halqınıñ sürgünliginiñ qurbanları nasıl añılğanını ve Qırimnıñ Rusiye tarafından 6 yıllıq işğali müddetinde matem tedbirleri nasıl deñişkenini bildi.
BMT-niñ Telükesizlik Şurasında "Qırım konferentsiyası"
Mayıs 21-inde Rusiye BMT-niñ Telükesizlik Şurasınıñ azaları içün resmiy olmağan konferentsiyanı teşkil etti, onıñ çerçivesinde ilhaq etilgen Qırımnıñ sakinleri ile qonuşmaq ve yarımadadaki yaşayışnıñ "kerçeklerini" bilmek imkânını ilân etti. Spiker olaraq Rusiye nezaretindeki Qırım ve Aqyar musulmanlarınıñ Diniy idaresiniñ reis müavini Esadullah Bairov, Rusiye tarafdarları olğan "Qırımnıñ ukrain cemiyeti" cemaat teşkilâtınıñ reisi Anastasiya Gridçina, "Millet" Rusiye devlet kanalınıñ sabıq reberi, Rusiye nezaretindeki Bağçasaray şeer şurasınıñ mebusı Ervin Musayev ve "Krım 24" Rusiye telekanalınıñ alıp barıcısı Aleksandr Makar çıqışta bulundı.
Konferentsiya vaqtında Frenkistan, Belgiya ve Avropa Birliginiñ elçileri Moskova areketlerini yaramay tanıp, Ukrainanıñ topraq bütünligine qol tutalar dep bildirdiler. Ukraina tarafı bu merasimde iştirak etmekni inkâr etti. Qırım.Aqiqat bunıñ sebebini ve Rusiyege bu format nege kerek olğanını bildi.
Qırım sebebinden yañı sanktsiyalar
Servis hatası
Oops, as you can see, this is not what we wanted to show you! This URL has been sent to our support web team to look into it immediately. Our apologies.
Onı başqa yerde tapa bilecegiñizni körmek içün qıdırıñız
Ukraina prezindenti Volodımır Zelenskıy, Rusiyeniñ Donbasstaki tecavuzı ile bağlı yañı sanktsiyalar aqqında emirni imzaladı. Cedvelge 377 hususiy şahıs ve 235 yuridik şahıs tüşti. Hususan, bu cedvelde "Ermitaj" Rusiye devlet müzeyi, Rusiye coğrafiya cemiyeti, Rusiye İlimler Akademiyasınıñ Arheologiya İnstitutı bar.Ukraina tarafı daa evel Rusiye alijmlerini ilhaq etilgen Qırımda keçken qanunsız arheologiya qazmalarında qabaatladı ve aqibetler qqında tenbiyeledi. Moskovada yañı sanktisyalarnı endi tenqit ettilıer, Qırımda ise olarğa "manasız" dediler. Amma Ukraina ükümetinde, ilhaq etilgen yarımadadaki qanunsız qazmalar aqqında ğarp yatırımcılarıhaberdar etilgenini Qırım.Aqiqatqa aytıp berdiler ve prezident zelenskıy imzalağan sıñırlayıcı tedbirer Ukrainanıñ tışında da keñleşecegine ümütlerinen paylaştılar.
