İlhaq etilgen Qırımdan abituriyentler ukrain Tış mustaqil degerlendirüvni (ZNO)onlayn keçe bile. Bunı Vaqtınca ilhaq etilgen Ukraina topraqlarınıñ reintegratsiyası Nazirligi bildire.
"Bildiremiz ki, deñev ZNO iyül 15 ve 17-sinde onlayn rejimde keçecek. Talebelerniñ sınav noqtalarında bulunması talap etilmey. Akimiyet ZNO keçirilüvi şartlarınıñ bu deñişmelerini qabul etti", - denile beyanatta.
İyül 15 ve 17-sinde talebelerniñ episi ZNO vazifelerini öz saifelerinden yüklep, soñra test vazifelerini becerip, cevap cedvellerini toldurıp olacaq. İyül 19-ınace talebeler teşkerüv servisine cevaplarını yüklemeli, ondan soñ neticelerini almalı.
Teşkerüv servisi iyül 15 saat 11:00-dan başlap iyül 19 saat 18:00-ğace çalışacaq.
Deñev ZNO prodsedurasınen bağlantıdan keçip tanış olmaq mümkün.
İyün 9-ında "Qırım - Ukraina" tasil merkezleri işini başladı.
Soñki üç yıl içinde qırımlılarnıñ esas Ukrainada aliy oquv yurtlarına oqumağa kirmek içün faydalanğan «Qırım – Ukrainadır» tasil merkezleriniñ sayısı aman-aman üç qat arttı, şimdi olarnıñ sayısı 35 oldı.
