Link açıqlığı

Saatnıñ esas haberi

Qırım abituriyentleri içün Ukraina tasil merkezleri iyünniñ 3-ünde işini başlaycaq


Körgezme süreti
Körgezme süreti

Qırım abituriyentleri içün “Qırım - Ukraina” tasil merkezleri Ukrainanıñ qıta qısmında iyünniñ 3-ünde işini başlaycaq.

Tasil ve ilim Nazirliginiñ matbuat hızmeti bildirgeni kibi, bu merkezlerniñ vastası ile vaqtınca işğal etilgen topraqlarda yaşağan studentler ukrain aliy oquv yurtlarına ve tehnikumlarına qolayştırılğan sistemanen kire bile. Merkezlerniñ işi sentâbrniñ 27-sinece devam etecek.

“Qırım-Ukraina” merkezleri bu yıl Ukrainanıñ çeşit köşelerinde - Kyiv, Lviv, Odessa, Mıkolayiv, Harkiv, Herson, Zaporijjâ - 35 aliy oquv yurtunıñ esasında çalışacaq. Merkezlerniñ cedvelini ve kontaktlarını mında baqmaq mümkün.

Bildirilgeni kibi, bu yıl vesiqa tapşıruv tarihleri deñişti. Qırım ve Aqyar studentleri içün olar böyledir:

Bakalavr (tibbiyet, veterinar ya da farmatsevt yönelişiniñ magistri) derecesine büdjetke:

  • Vesiqa qabul etüvi - iyülniñ 19-ınace
  • Kiriş imtianları -iyülniñ 19-ınace
  • Oquşqa qabul etüv -iyülniñ 22-sinece

11-inci sınıftan soñ kiçik mütehassıs derecesine büdjetke:

  • Vesiqa qabul etüvi - iyülniñ 29-ınace
  • Kiriş imtianları -iyülniñ 28-inece
  • Oquşqa qabul etüv -avgustnıñ 4-ünece

9-ıncı sınıftan soñ kiçik mütehassıs derecesine büdjetke:

  • Vesiqa qabul etüvi - iyülniñ 13-ünece
  • Kiriş imtianları -iyülniñ 21-inece
  • Oquşqa qabul etüv -iyülniñ 29-ınace

Soñki eki yıl devamında qırımlılarğa esas Ukrainadaki aliy oquv yurtlarına oqumağa kirmege yardım etken «Qırım – Ukrainadır» tasil merkezleriniñ sayısı üç qat arttı, şimdi 35 danesi bar.

Nazirlikniñ malümatına köre, «Qırım – Ukrainadır» tasil merkezleriniñ 3 yıllıq işinde bu merkezler vastasınen oqumağa kirgenlerniñ sayısı eki qat arttı: 2016 senesi 153 qırımlı, 2017 senesi 204 qırımlı, 2018 senesi ise 227 insan oldı.

Daa evel Ukraina tasil ve İlim nazirligi Qırım ve Donbass abituriyentleri içün talimat derc etken edi.

XS
SM
MD
LG