Link açıqlığı

Qırım abituriyentleri içün qıtaiy Ukrainada VNOnıñ üçünci sessiyasını keçirmege azırlar


Bu sene Qırımnıñ işğali ve Donetsk ve Lugansk vilâyetlerinde üküm sürgen vaziyet sebebinden Donbass ve yarımada studentleri içün kiriş kampaniyası biraz qolaylaştırılacaq.

Bunı Ukraina tasil ve ilim naziri Sergiy Kvit bildirdi.

«Eger de abituriyentler testlerni ekinci sessiya devamında tapşırıp olamasa, kirmege istegen universitetlerinde üçünci sessiya keçirilecek», – dedi Kvit.

Onıñ bergen malümatına köre, Ukrainanıñ diger regionlarında VNOnı tapşırmaq içün Donetsk ve Lugansk vilâyetlerinden 7000 abituriyent qayd etildi. Nazir şunı da aytıp keçti, başından VNOdan keçmek içün Ukraina şarqından 35 biñ mezun qayd etilgen edi.

Qırımdan VNOnı tapşırmağa istegen yalıñız 600 mezun qayd olundı.

Nazirniñ aytqanı kibi, o, Ukrain aliy oquv yurtlarına kirmege istegen abituriyentleriniñ sayısı azlaşqanı sebebini añlatıp olamay. «İstemediler, ğaliba» – dep aytı o.

İşğal etilgen Qırımdan VNOnı tapşırmağa istegen abituriyentlerni qıtaiy Ukrainağa davet eteler. Umumen Qırımda 17 biñ 290 abituriyent bar eken.
XS
SM
MD
LG