Qırımnıñ bir qaç şeerinde yanvarniñ 3-ünde suv olmaycağı aqqında haber ettiler. "Voda Krıma" müessisesi haber etkeni kibi, bu tamir işlerinen bağlı.
Böylece, Keriçte saat 17:00 qadar böyle adresler boyunca suv olmaycaq: Voroşılova soq., 1/1, Hersonskaya soq., 6, 8 , 10, Yunnatov soq., 14, 16, Mayskiy aral., 3, 5, 7, Kları Tsetkin soq., 19.
Canköyde de aqşamğa qadar böyle adresler boyunca suv olmaycaq: İnternatsionalnaya soq., 147, Linina soq., 20, İnternatsionalnıy aral., Oktâbrskaya soq.
Aqmescitte Pespalova soq., 47 ve Aluştada Parkovaya soq., 2 sakinleri de suvsız qaldı.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
