İslâm Terek (Kirovskoye) rayonınıñ Camçı (Tokarevo) köyü yanında ayvan qurturuvınıñ yañı adisesini qayd ettiler. Bunı Rusiye nezaretindeki Qırim ükümetiniñ Devlet Veterinariya Komiteti bildire.
Müessise malümatına köre, hasta tilki tapıldı.
"Ayvan tapılğan yeriniñ 1,5 kilometrlik etrafı telükeli meydan kibi belgilendi", - denile beyanatta.
Daa evel haber etile edi ki, Köktöbel yalısında tapılğan tilki leşi sebebindenve Aqmescit rayonınıñ Mirnıy qasabasında ise - mışıqnıñ qurturuvı içün karantin ilân etildi.
Qurturuv - Rabiesvirus qurturuv virusından peyda olğan infektsiya hastalığıdır. Qurturuv virusı ayvanlarda ve adamlarda spetsifik entsefalitniñ sebebi ola. Hasta ayvan tişlegende tükürçiknen tarqatıla.
