Nazirler şurasında bu sene Qırımda Hıdırlez qırımtatar bayramınıñ keçirilmesini aydınlattılar.
Bu aqqında malümat öz başına ilân etilgen Qırım «ükümetiniñ» Facebooktaki resmiy saifesinde mevcut.
Tanılmağan Qırım Cumhuriyeti Nazirler şurasınıñ «reis muavini» Lenur İslâmov teşkiliy komitetniñ toplaşuvında bildirdi ki, tedbirler planı tasdıqlandı, em de azırlıq meselelerinen oğraşacaq iş gruppalarınıñ erkânı endi belgilendi.
Hıdırlez programmasında qırımtatar dekorativ-ameliy sanatınıñ mallar sergisi, belli qırımtatar artistleriniñ kontserti, at qoşuları, qırımtatar milliy «Küreşi» boyunca sport yarışları bar.
«Bayram maqsadı qırımtatarlarnıñ zengin medeniyetini köstermektir», – dep ayttı İslâmov.
Musafirler cedvelinde – Qırım ükümetiniñ vekilleri, çeşit memleketlerden musafirler, şu cümleden Rusiye (Tataristan) temsilcileri, dep aytıla Nazirler Şurası matbuat hızmetiniñ beyanatında.
Qırımtatarlarnıñ lideri Mustafa Cemilev Qırım işğali vaqtında Hıdırlez qayd etilmesiniñ tarafdarı olmağanını bildirdi. Cemilevniñ fikirince, bu bayram akimiyet içün «muvafaqiyetli stsenariy olması mümkün». O, şunı da qayd etti ki, bu bayramnı milliy ve Ukraina bayraqlarıaltında keçirmek planları bar.
Hıdırlez bayramı «quralay» (mayıs) ayı birinci aftasınıñ cuma künü qayd etile ve saçuv işleriniñ başlanmasını ifadeley.
Bu aqqında malümat öz başına ilân etilgen Qırım «ükümetiniñ» Facebooktaki resmiy saifesinde mevcut.
Tanılmağan Qırım Cumhuriyeti Nazirler şurasınıñ «reis muavini» Lenur İslâmov teşkiliy komitetniñ toplaşuvında bildirdi ki, tedbirler planı tasdıqlandı, em de azırlıq meselelerinen oğraşacaq iş gruppalarınıñ erkânı endi belgilendi.
Hıdırlez programmasında qırımtatar dekorativ-ameliy sanatınıñ mallar sergisi, belli qırımtatar artistleriniñ kontserti, at qoşuları, qırımtatar milliy «Küreşi» boyunca sport yarışları bar.
«Bayram maqsadı qırımtatarlarnıñ zengin medeniyetini köstermektir», – dep ayttı İslâmov.
Musafirler cedvelinde – Qırım ükümetiniñ vekilleri, çeşit memleketlerden musafirler, şu cümleden Rusiye (Tataristan) temsilcileri, dep aytıla Nazirler Şurası matbuat hızmetiniñ beyanatında.
Qırımtatarlarnıñ lideri Mustafa Cemilev Qırım işğali vaqtında Hıdırlez qayd etilmesiniñ tarafdarı olmağanını bildirdi. Cemilevniñ fikirince, bu bayram akimiyet içün «muvafaqiyetli stsenariy olması mümkün». O, şunı da qayd etti ki, bu bayramnı milliy ve Ukraina bayraqlarıaltında keçirmek planları bar.
Hıdırlez bayramı «quralay» (mayıs) ayı birinci aftasınıñ cuma künü qayd etile ve saçuv işleriniñ başlanmasını ifadeley.
