Link açıqlığı

Qırım çarşılarında ve kommunal hızmetleriniñ fiyatlarını yañı ruble kursı boyunca baqıp çıqacaqlar


Öz başına tayin etilgen Qırım akimiyeti fiyatlarnıñ ukrain grivnadan rusiye rublesine çevirüv koeffitsiyentini 3,1 qadar deñişti. Bu sebepten «Qırım akimiyeti» mahsulat ve MKHniñ fiyatlarını yañı kurs boyunca belgilemege talap ete.

Mezkür beyanat Qırım nazirler Şurasınıñ Fasebook saifesinde peyda oldı.

«Qırım Cumhuriyetinde faaliyet köstergen hocalıqnıñ er bir subyekti 2014 senesi aprel 16 kününece ukrain grivnalarından rusiye rublelerine çevirüv koeffitsiyentini 3,1 olaraq belgilemek kerek», – dep aytıla beyanatta.

Tanılmağan Qırım cumhuriyetiniñ «iqtisadiy inkişaf ve ticaret Nazirligine» fiyatlarnıñ ukrain grivnadan rusiye rublesine çevirüv koeffitsiyentiniñ deñişüvi boyunca er afta tekliflerni çıqarmağa avale ettiler.

Bu qararnıñ amelge keçirüvinde öz başına tayinlengen Qırım nazirler şurasınıñ birinci baş nazir muavini Rustam Temirgaliyev mesülietlidir.
XS
SM
MD
LG