Qırım ve Herson vilâyetiniñ sıñrında "Korşun" lağaplı "DNR" gruppirovkasınıñ boyevigi ukrain sıñırcılarına teslim oldı.
Bunı Ukraina devlet sıñır hızmetiniñ matbuat hızmeti bildire.
Müessise, sentâbrniñ 10-unda “Çongar” kiriş-çıqış noqtasına 35 yaşındaki, "Korşun" lağaplı aqay kelgenini bildireler. O, Ukrainada terroristik sayılğan "DNR" gruppirovkasınıñ tarafinda cenk etkeninde şeklene.
"Bu şahıs, qanunsız silâlı müfrezeler azası memleketniñ şarqında Ukraina Silâlı Quvetlerine qarşı arbiy arketerde iştirak etkeninde şeklene ve qıdırıla edi. 2014 senesi suiqastçı, rus kuratorlarnıñ idaresi astında, Donetsk vilâyetinde devlet ve yerli özidare organlarınıñ zapt etilüvinde faal iştirak etti. Bunıñ ile o “rus pravoslav ordusı” dep adlandırılğan teşkilât azası da oldı. O, Novotroitsk tarafından işğal etilgen Donets kirişindeki bir blokpostta hızmet etti. Biraz vaqıt keçken soñ “Korşun”nıñ “rus dünyası” ğayeleriden közü qayttı ve o para qazanmaq Rusiyege ketti", – denile beyanatta.
Ukraina Devlet Sıñır Hızmeti tutulğan adamnıñ adını aydınlatmay, amma şaatlıq videosını derc etti.
Keççe, ukrain sıñırcılar bildirgeni kibi, yaqalanılğan boyevikni tahqiqiy işler içün Milliy polis hadimlerine teslim ettiler.
