Qırımda raatlıq künleri ava bozulacağını tahmin eteler: furtuna yeli ve sağanaq olacaq. Bu aqta yarımadadaki Rusiye Fevqulâde vaziyetler nazirligi idaresiniñ matbuat hızmeti bildire.
«Qırımnıñ gidrometeorologiya ve tabiat monitoring idaresiniñ malümatına köre, künniñ ekinci yarısında ve martnıñ 16-nda künniñ soñuna qadar, martnıñ 17-nde gece Qırımda cenübiy-ğarbiy yel şimaliy-ğarbiy yelge keçip, süratı saniyede 20-25 metr olacaq, martnıñ 17-nde gece küçlü, bazı yerlerde pek küçlü, dağlarda ise qarnen beraber yağmur yağacaq», – dep bildirdi idare.
Sakinlerni yaramay avada telükesizlik qaidelerine riayet etmege çağıralar. Pencere ve balkonlar qapatılmalı, yaramay qoyulğan inşalar pekitilmeli. Soqaqlarda reklama levhaları, yol işaretleri, elektrik ağları ve tereklerden uzaq turmalı.
Daa evel haber etilgeni kibi, Ukrainanıñ fevqulâde vaziyetler devlet hızmeti memlekette yel quvetleşeceginden sebep furtuna havfını ilân etti.
