Fevral 22-sinde, cuma künü Qırım avası bozulacaq, yarımadada qarlı yağmur ve şiddetli yel olacaq. Bu aqta yarımadanıñ gidrometmerkezi bildirdi.
Sinoptiklerniñ tahminlerine köre, Aqmescitte (Simferopol) küçlü yağmur. Şimal-ğarbiy yel 7-12 m/s, kimerde 15 m/s-ge qadar köterilip üfürecek. Ava arareti gece 0…+2°, kündüz +4…+6° olacaq.
Bildirilgenine köre, Aqyarda (Sevastopol) saba ve kündüz yağmur, aqşam qarlı yağmur. Yel 7-12 m/s. Ava arareti gece ve kündüz +5…+7°, aqşam 0° derecege qadar tüşecek.
Qırımnıñ şimalinde, aqşam qarğa çevirilecek şiddetli yağmurlar. Yel 15-20 m/s, bazı yerlerde 15-20 m/s-ge qadar. Ava arareti gece 0…+5°, kündüz +2…+7°.
Keriçte saba ve kündüz yağmur, sılaq qar. Gece şarq-ğarbiy yel 9-14 m/s. Ava arareti gece 0…+2°, kündüz +5…+7°.
