Aprelniñ 26-sında gece Qırımğa uçıp kelecek deñizcilerni observatorğa yollaycaqlar, bildirdi Qırım ve Aqyardaki Rospotrebnadzor idaresiniñ yolbaşçısı Natalya Penkovskaya.
"İspaniyadan aprelniñ 26-sında kelecek gemi taqımı aqqında aytqanda, olar observatorda bulunmağa razılıq vesiqalarını berdi", - dedi Penkovskaya.
Onıñ malümatına köre, 30 adamnı Kezlev observatorına, daa 10 adamnıAqyar observatorına qoyacaqlar.
Bundan ğayrı, Qırım başı Sergey Aksönov, 8 adam Marritaniyada qalğanını ayttı.
Aprelniñ 24-ünde saba dünyada 190 788 adam koronavirustan öldi. 2,7 milliondan ziyade adam COVID-19-nen hastalandı, 4,6 milliondan ziyade adam yahşı oldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
