Link açıqlığı

Saatnıñ esas haberi

Qırımğa 300-den çoq kilogramm erzaq mallarını yibermediler


Keçken afta Rosselhoznadzor teftişçileri, ilhaq etilgen Qırımğa 144 kilogramm sebze ve meyvanı ve 181 kilogrammdan çoq balıq ile kolbasnı yibermedi. Bunı müessisenin matbuat hızmeti bildire.

"Erzaq malları arasında hıyar, domatis, biber, yüzüm, alma ve başqa sebze ile meyvalar bar edi. Bundan ğayrı 181 kilogramm balıq ve kolbaslar", - dedi idareniñ mütehassısları.

Müessise malümatına köre, bütün mallar qıta Ukrainadan Qırımğan ketken adamlarnıñ el bagajında ve şahsiy maşna bagajında edi.

Bir kün evelsi Rosselhoznadzor teftişçileri Qırımğa 700-den çoq erzaq mallarını yibermedi.

Qomşu Rusiyede ve ilhaq etilgen Qırımda, Moskovanıñ Qırım ilhaqı ve Ukraina şarqındaki tecavuzı içün sanktsiya kirsetken memleketlerge qarşı erzaq malları keçirmesine sınırlavlar bar.

XS
SM
MD
LG