Dört yıl evel ğayıp olğan Muhtar Arislanovnıñ tuvğanı Nuriye Karakaş, rusiye politsiyası tahqiqatnı toqtattı, dep bildire. Bunı o, Qırım.Aqiqatqa tefsir bergende, bildirdi.
Bizge, tahqiqat bir yerde toqtandı, dep ayttılar. Amma meraqlı olıp çıqa - video bar, şaatlar bar, farz etilgen hırsızlar bile bar, amma tahqiqat bir yerde toqtandı", - dey Nuriye Karakaş.
O, tahqiqatçı onı subetlerge davet etip, Muhtar Arislanovnıñ izlengeni körüngen videolarnı köstergenini qoştı.
"Ağam ğayıp olğanda, biz birden adamlarnı köterdik. Bir qaç saattan soñ dostları, qorantası qıdıruvnı başladı. Biz köpeklernen qıdıra edik, men, onıñ bulunğan yerini telefon signalından baqmağa tahqiqatçığa rica ete edim. Eki arbiy kiyimli ve silâlı aqay onı kümüş renkte mikroavtobusqa oturtqanlarını körgen adam da oldı. Tahqiqatçı, meni subetlerge davet etip, onı eki adam – birisi kepkalı, başqası büyükçe, eslice soyu – izlegenini yazıp qoyğan videolarnı köstergen edi", – ikaye etti o.
Amma müessiseseniñ, tahqiq işleri bitirilgeni aqqında açıq izaatı yoq.
Muhtar Arislanov 2015 senesi avgust 27-sinde Aqmescitte ğayıo oldı. Buña rysiye quvetçilerniñ alâqası bar, dep aytqan adamlar bar.
