Link açıqlığı

Rusiye Federatsiyasınıñ Baş prokurorı Yuriy Çaykinniñ emiri ile tanılmağan Qırım Cumhuriyeti ve Aqyar prokurorlarınıñ muavinleri ve birinci muavinleri tayinlendi.

Bu aqta Rusiye Federatsiyasınıñ Baş prokuratorasınıñ resmiy saytında bildirile.

Böyleliknen, Qırım «prokurorı» Natalâ Poklonskayanıñ birinci muavini evelleri Lipetsk vileyatinde prokuror muavini olğan adliye baş keñeşçisi Hlustıkov Mıkola Mıkolayovıç oldı. Daa eki muavinni Tula ve Tomsk vilâyetinden tayinlediler.

Aqyar prokurorı İgor Şevçenkonıñ birinci muavini evelleri Kemerovoda prokuror muavini olğan adliye baş keñeşçisi Agapov Volodımır Mıkolayovıç oldı. Ekinci muavin bundan evel Altay tarafında Biysk şeeriniñ prokurorı edi.

Natalâ Poklonskayanı qanunsız tayinlengen Qırım Şurasınıñ fevqulâde vaziyetleriniñ naziri Sergiy Şahov, Devlet sıñır hızmetiniñ idare yolbaşçısı Viktor Melniçenko, içki işler idare yolbaşçısı Sergiy Abisov ve telükesizlik Hızmetiniñ başı Petro Zima ile Ukraina telükesizlik Hızmeti qıdıruvğa ilân etti.
XS
SM
MD
LG