İlhaq etilgen Qırımda sentâbr 17-20 yüksek yanğın telükesini ilân etildi
Bunı Rusiye nezaretindeki Qırım akimiyetiniñ FVN-niñ matbuat hızmeti bildirmekte.
Müessise, Qırım gidrometeomerkeziniñ malümatına esaslana. Bundan sebep, Qırım FVN, havfsızlıq qaidelerine uymaq kerekligini yarımada sakin ve musafirlerine hatırlta.
Yüksek yanğın telükesi sebebinden yanğınğa oğraması mümkün olğan yerler yanında ateş yaqmağa, mangal qullanmağa, tütün içmege, yanğan sernik taşlamağa, pirotehnik mahsullarnı qullanmağa, benzin, kerosin ya da diger yanğan madde ile yağlanğan şeylerni qaldırmağa, küneş tüşken orman alanlarında şişe, diger çöplükni qaldırmağa, terek tübünde, alanlarda ot yaqmağa yasaq etile.
