"Barışıq ve barışıq añlaşmasınıñ imzalanması içün nevbetteki şartlar Ukrayina içün daa qıyın ve sert olacaq", — dedi o TASS Rusiye devlet agentligine bergen intervyüsında.
İyünniñ 14-nde, İsviçride barışıq sammitiniñ başlanmasından bir kün ögüne, Putin, eger Ukraнina Donetsk, Lugansk, Zaporojjâ ve Herson vilâyetlerinden ordusını bütünley çıqarıp, NATO-ğa kirmekten vazgeçkenini bildirse, Moskva ateşni toqtatacaq ve barışıq muzakerelerini başlamağa azır olğanını bildirdi. Onıñ aytqanına köre, Ğarp Moskvağa qarşı sanktsiyalarnı da lâğu etmeli.
Ukrayina Tış işler nazirligi, "Putin tarafından seslendirilgen bütün ultimatumlar endi defalarca seslendirilgen ve halqara toplulıqnı yañlış yolğa ketirmek içün yapılğan", dep bildirdi.
Barışıq sammitinde Putinniñ beyanatını ciddiy qabul etmediler. Hususan, Avropa komissiyasınıñ yolbaşçısı Ursula von der Lâyen, Rusiye barışıq esnasına tek BMT Nizamnamesi esasında barışıqqa azır olğanını köstergen soñ qoşula bile, dep bildirdi. O şunı da qayd etti ki, iç bir memleket "böyle deşetli şaraitlerni qabul etmeycek edi, şunıñ içün Ukrayina bu istilâğa qarşı turmaq kerek".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.