Link açıqlığı

Saatnıñ esas haberi

Putinniñ «barışığı» kününde Rusiye ordusı ücümlerini toqtatmadı – Ğayday


Serğiy Ğayday
Serğiy Ğayday

Rusiye Federatsiyasınıñ prezidenti Vladimir Putin «Milât barışığını» ilân etse de, Rusiye ordusı yanvarniñ 6-nda ücümlerini toqtatmadı, dep bildirdi Donbas.Realii Radiosınıñ yayınında (Azatlıq Radiosınıñ leyhası) Luğansk vilâyetiniñ arbiy memuriyet yolbaşçısı Serğiy Ğayday.

«Ateş nasıl açılğan olsa, öyle de devam ete. Mevzimlerimizge ücüm etmege nasıl tırışqan olsalar, öyle de devam eteler, – dep ayttı Ğayday. – Mence, yarın Baş ştab açılğan ateş ve ücümlerniñ sayısını aydınlatır».

Luğansk vilâyetiniñ arbiy memuriyet yolbaşçısınıñ fikirince, Rusiye «Milât barışığını» ilân etip, bir pauza qazanacaq ve Rusiye propagandasında büyük din bayramında cenkleşken «Ukrayınanıñ hainligi» aytacaq oldı.

Yanvarniñ 5-nde Rusiye prezidenti Vladimir Putin Rusiye Federatsiyasınıñ Mudafaa naziri Sergey Şoyguğa Milât bayramında Ukrayına ile çatışuv yolu boyunca ateşni toqtatmağa emir etti – yanvarniñ 6-nda saat 12:00-den yanvarniñ 7-nde saat 24:00-ke qadar. Rusiye Ukrayınağa büyük istilâ yapqanından berli ateşkes Moskva tarafından ilk sefer ilân etildi.

Ukrayına bir mecburiyet almadı. O, Putinniñ Milât bayramında ateşni toqtatuv teklifini red etti. Yanvarniñ 5-nde aqşam Ukrayına Tış işler naziri Dmıtro Kuleba Twitterde Kremlniñ teklifi ciddiy «alınmay ve alınmamalı», dep yazdı. Ukrayınanıñ diger vekilleri Rusiyeni provokatsiyada ve ordusınıñ vaziyetini eyileştirmek içün pauza qullanmağa tırışqanında qabaatladı.

Ğarp memleketleriniñ temsilcileri Putinniñ teklifine şaştı ya da onı doğrudan red etti. Olar 1,5 künge ateşkes ilân etmek – zıddiyetni bitirmek yolunda yeterli bir adım degil, dep bildirdi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG