Link açıqlığı

«Putinniñ turistlerini» Qırımdan Zaporojye nomeraları olğan avtobuslarnen çıqaralar – Tımçuk


Tünevin Qırımğa Rusiye arbiy adamlarınıñ daa bir qısmı keldi, olarnı avtobuslarğa oturtıp, Ukraina qıtasına alıp ketecek ediler.

Bunı arbiy-siyasiy tedqiqler Merkezi ve «İnformatsion qarşılıq» gruppasınıñ reberi Dmıtro Tımçuk Facebook saifesinde yazdı.

«Qırımda Saqtaki uçaq alanında «Putin turistlerinen» tolu uçaqlar qondı. Olarnı Zaporojye vilâyetiniñ nomeraları olğan mikroavtobuslarğa oturtqanlar. Bundan yahşı bir şey olmaycaq», – dep yazdı Tımçuk.

Ukraina şarqında separatistlerniñ şiarları altında bir sıra narazılıq aktsiyaları ötkerildi. Bu regionlarda üküm sürgen vaziyet Qırımnı añdıra. Avropa ve AQŞ Rusiyeni bayağı vaqıttan berli Ukraina ile sıñırdan ordularnı çekmege çağıralar.

Tünevin Rusiye Federatsiyasınıñ prezidenti Vladimir Putin rusiyelilernen subetleşip, Ukraina şarq-cenübinde olğan adise-vaqialarğa Rusiye askerleriniñ alâqası yoq, dep bildirdi. Aynı vaqıtta o, dedi ki, Qırımdaki referendum Rusiye ordusınıñ nezareti altında olıp keçti.
XS
SM
MD
LG