Rusiye prezidenti Vladimir Putinniñ inanuv reytingi yañı tarihiy azğarğa yetti ve 32 fayıznı teşkil ete. Bu aqta Bütünrusiye cemiyet fikrini ögrenüv merkeziniñ soravları köstere, dep haber ete Azatlıq Radiosınıñ rus bölügi.
Bu köstergiç Rusiye prezidenti fevral 20-sinde federal toplaşuvda yapqan çıqışından soñ qayd etildi. Kreml, mebuslarğa müsbet muracaatlar etip bu tüşüvni toqtatmaq istedi, dep yaza “Vedomosti” Rusiye gazeti.
“Dojd” televizion kanalı prezidentniñ çıqışından evel haber etti ki, Kreml prezidentniñ hitabına müsbet mevzular azırlamağa tırıştı. Bu alçaq reytingler olğanı içün yapıla edi, dep bildire matbuat. “Halq raketelardan boldurdı”, - öz menbalarından birisiniñ sözlerinden ayttı kanal.
