Rusiye prezidenti Vladimir Putinnen körüşecek bütün insanlarnıñ başta koronavirus talili yapıla. Bu aqta bazar künü Putinniñ matbuat hızmeti Dmitriy Peskov bildirdi, dep yaza Azatlıq Radiosı.
«Rossiya-1» telekanalındaki «Moskva. Kreml. Putin» yayınında Peskov Putinnen şahsen çalışqan prezident memuriyetiniñ hadimlerine de testler yapıla, dep bildirdi.
Peskov, Putin özü koronavirus testini berdimi yoqmı aytmadı. Daa evel bildirgenine köre, buña acet yoq, çünki prezidentniñ sağlıq problemleri yoq.
Dmitriy Peskov, «Rossiya-1» yayınında uzaqtan iştirak etti. Prezidentniñ matbuat kâtibi, koronavirusnen hastalanğan Lev Leşçenkoğa (o, Kommunarkada hastahanege alındı) barğan bestekâr İgor Krutoynıñ qız qardaşınıñ doğğan kününde musafirlerden biri edi. Peskovnıñ aytqanına köre, o, Leşçenkonı doğğan künde körmedi.
Peskov, prezident memuriyetiniñ hadimlerinden biri koronavirusqa oğradı, dep haber etti. O, prezidentnen alâqada olmadı, dep qoştı Peskov. Onıñ aytqanına köre, koronavirusqa oğrağan Yañı Moskvada Kommunarkadaki hastahanege kelmek qararını Putin apansızdan qabul etti, ve atta hastahaneniñ baş ekimi prezident kelecegini bilmegen edi. Qorçalayıcı qıyafet kiygen Putin hastahaneni ziyaret etkende hastalardan birinen laf etti.
Soñra bu hastanıñ ekim olğanı belli oldı, ve koronavirusı yoq. Özü ise Putinnen körüşüv sanalaştıruv olmadı, dep israr ete, o, koronavirus yuqunçı şübhesinen hastahanege ketirilgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
